Fréttir

Árangur barna í 1. og 2. bekk grunnskóla, sem læra eftir aðferðum Byrjendalæsis, hefur verið umtalsverður. Nemendur gangast undir próf þrisvar á ári og samanburður undanfarinna ára sýnir að börn ná betri árangri í lestri og að börnum sem hafa átt erfitt með að læra að lesa hefur fækkað verulega.

Miðstöð skólaþróunar HA heldur endurmenntunarnámskeið skólaárið 2015–2016 sem ætluð eru kennurum og stjórnendum.

Vorráðstefna um menntavísindi á vegum miðstöðvar skólaþróunar HA verður haldin í Háskólanum á Akureyri laugardaginn 18. apríl 2015. Að þessu sinni er ráðstefnan tileinkuð hæfnimiðuðu skólastarfi og markmiðið er að varpa ljósi á hvaða hugarfar og starfshættir í skólastarfi stuðla að hæfni nemenda.

Um helgina fór fram á vegum miðstöðvar skólaþróunar við Háskólann á Akureyri námstefna um Byrjendalæsi og ráðstefnan Læsi til samskipta og náms. Yfir 300 áhugasamir og ánægðir kennarar tóku þátt í ráðstefnuhaldinu og var þeim boðið upp á fjölbreytta og spennandi dagskrá.

Um næstu helgi verður haldin ráðstefna um menntavísindi á vegum miðstöðvar skólaþróunar Háskólans á Akureyri. Ráðstefnan er að þessu sinni tileinkuð læsi og samskiptum til náms og hafa um 300 manns hafa skráð sig til þátttöku.

Miðstöð skólaþróunar HA er þessa dagana ásamt kennurum víða um land að búa sig undir skólastarfið í vetur. Þetta haustið taka rúmlega 700 kennarar þátt í starfsþróunarverkefnum á vegum miðstöðvarinnar.

„We were never born to read: The Story and Science of the Reading Brain“ Bandarískur sérfræðingur um taugafræðilegar forsendur lesturs, dr. Maryanne Wolf, prófessor við Tufts University í Boston og forstöðumaður lestrar- og tungumálarannsóknarstöðvar innan sama háskóla, flytur opinn fyrirlestur í Norðurljósasal Hörpu 27. ágúst 2014 kl. 13–17.

Miðstöð skólaþróunar við HA fékk úthlutað styrk úr Háskólasjóði KEA nú um helgina. Styrkurinn verður notaður til að stíga fyrstu skrefin í að þróa og rannsaka verkefnið Hugleikur - samræður til náms.

Miðstöð skólaþróunar býður upp á endurmenntunarnámskeið skólaárið 2014–2015. Námskeiðin eru ætluð kennurum og stjórnendum og eru styrkt af Endurmenntunarsjóði grunnskóla. Námskeiðin eru: Leiðsagnarmat lykill að árangri Samstarf heimila og skóla um læsi Stærðfræðilæsi mið- og unglingastig Miðstöðin býður einnig upp á fjölda annarra námskeiða og skólaþróunarverkefna sem hægt er að kynna sér nánar á vef miðstöðvarinnar www.msha.is.

Fjöldi gesta sótti ráðstefnuna Það verður hverjum að list sem hann leikur sem haldin var laugardaginn 5. apríl. Ráðstefnan var að þessu sinni tileinkuð starfsþróun og árangursríku skólastarfi.