Fréttir

Sunnudaginn 8. september verður Alþjóðadegi læsis fagnað um heim allan og er þetta í fimmta skipti sem Íslendingar taka þátt.

Málþing um hæfnimiðað námsmat var haldið í Háskólanum á Akureyri föstudaginn 30. ágúst. Á þinginu var boðið upp á fjóra inngangsfyrirlestra auk þess sem fólki gafst tækifæri til að miðla hugmyndum og reynslu milli skóla og skólastiga.

Í vetur mun miðstöð skólaþróunar við Háskólann á Akureyri bjóða upp á námskeið fyrir kennara á Akureyri og nágrenni.

Þrjár starfskonur á miðstöð skólaþróunar HA þær Jenný, Ragnheiður Lilja og Þóra Rósa sækja um þessar mundir námskeiðið Leading educational change sem haldið er í Prag í Tékklandi. Námskeiðið er styrkt af menntaáætlun ESB sem styrkir m.a. evrópsk samstarfsverkefni skóla, endurmenntun kennara, starfsþjálfun kennaranema og námsefnisgerð. Á námskeiðinu eru ásamt þeim stöllum menntafrömuðir frá átta Evrópulöndum. Að sögn miðstöðvarkvenna er námskeiðið krefjandi, fræðandi og skemmtilegt.      

Í lok janúar heimsótti Jean McNiff Háskólann á Akureyri. Hún átti m.a. samtal við starfsfólk miðstöðvar skólaþróunar og heilbrigðisvísindasviðs, tók þátt í og stjórnaði dagskrá þriðja rannsóknarþings kennaradeildar og átti fund með forystufólki í leik-, grunn- og framhaldsskólum Akureyrar. Jean McNiff er prófessor í menntarannsóknum við York St John University í Bretlandi. Hún er heimsþekkt og leiðandi fræðikona á sviði starfendarannsókna og fer víða um heim og leggur skólafólki lið í starfendarannsóknum. Hún leggur áherslu á að skólafólk rannsaki sjálft sína eigin starfshætti og leggi þannig sitt af mörkum til þekkingarsköpunar í þágu skólastarfs. Hún leggur jafnfram áherslu á ígrundun eða sjálfsrýni (self-reflection), að skólafólk hugi að eigin gildum og hvort það starfi í samræmi við þau. Jean hefur skrifað greinar og gefið út fjölda bóka um starfendarannsóknir og var hún útnefnd höfundur febrúarmánaðar af bókaútgáfunni Routledge sem nýlega gaf út bókina Action Research: principles and practice eftir Jean McNiff. Hægt er að fá frekari upplýsingar um útnefninguna og Jean sjálfa á vef Routledge.   Vilji fólk kynna sér viðhorf og störf Jean McNiff þá heldur hún úti vefsíðu: http://www.jeanmcniff.com/.

Birna María Svanbjörnsdóttir forstöðumaður miðstöðvar skólaþróunar er í leyfi frá störfum árið 2013. Jenný Gunnbjörnsdóttir hefur tekið við störfum hennar og veitir allar nánari upplýsingar um starfsemi miðstöðvarinnar. Netfang: jennyg@unak.is Sími: 4608565