Málþing um hæfnimiðað námsmat

Skráning fyrir þá sem ætla að sækja málþingið á Akureyri

Mennta- og menningarmálaráðuneyti mun í samstarfi við Samband íslenskra sveitarfélaga og Kennarasamband Íslands efna til málþings um nýtt námsmat, sem grundvallast á hæfni nemenda og er kynnt í nýjum aðalnámskrám leikskóla, grunnskóla og framhaldsskóla. Fjallað verður um námsmat í skólastarfi í víðum skilningi og tækifæri munu gefast til að miðla hugmyndum og reynslu milli skóla og skólastiga.

Málþingið verður haldið í Flensborgarskólanum í Hafnarfirði og í Háskólanum á Akureyri föstudaginn 30. ágúst, frá kl. 14.00-17.00.

Inngangserindi og kynningar verða sendar út samtímis á vef í gegnum  fjarfundabúnað og verða málstofur á Akureyri skipulagðar af miðstöð skólaþróunar við Háskólann á Akureyri.

Þeir sem ekki geta nýtt sér þennan tiltekna dag hafa möguleika á að sækja efni ráðstefnunnar á vefnum og hagnýta sér það þegar betur hentar.

Dagskrá:
Kl. 14.00-14.15 Setning: Illugi Gunnarsson mennta- og menningarmálaráðherra

Kl. 14.15-15.30 Fræðsla og kveikjur
• Námsmat í skólum-til hvers? Erna Pálsdóttir einn af höfundum þemaheftis um námsmat.

• Lokamat í grunnskóla A, B, C og D. Björg Pétursdóttir deildarstjóri í mennta- og menningarmálaráðuneyti.

• Mat á lykilhæfni, er það bæði mögulegt og raunhæft? Jón Baldvin Hannesson skólastjóri Giljaskóla, erindi hans verður sent út frá Akureyri.

• Breytingastjórnun „Til að breyta kerfinu þurfum við sjálf að breytast” Helgi Þór Ingason, dósent við Tækni- og verkfræðideild Háskólans í Reykjavík.

15.30-17.00 Kaffi og málstofur

Takið daginn frá og fjölmennið í Háskólann á Akureyri þann 30. ágúst kl 14-17.

Nánari upplýsingar gefur Jenný Gunnbjörnsdóttir sími 460 8565