Hvað er að vera læs? Málstofukall fyrir læsisráðstefnu í HA 14. september næstkomandi!

Menntamálastofnun og Miðstöð skólaþróunar halda læsisráðstefnu í Háskólanum á Akureyri laugardaginn 14. september þar sem yfirskriftinn er: Hvað er að vera læs? Ráðstefnunni er ætlað að svara spurningunni hvernig skapa megi æskileg skilyrði í námi sem styðja við gott læsi í leik-, grunn- og framhaldsskólum.

Því auglýsum við eftir erindum á málstofur og efni fyrir vinnustofur frá leik-, grunn-, framhalds- og háskólakennurum, læsisfræðingum, náms- og kennsluráðgjöfum, skólastjórnendum og öðrum áhugasömum aðilum um efni ráðstefnunnar. Einkum er leitað eftir efni sem hefur hagnýtt gildi fyrir kennara.

Aðalfyrirlesarar ráðstefnunnar verða:

• Bragi Valdimar Skúlason fjölmiðlamaður, orðarýnir og orðasmiður.

• Guðmundur Engilbertsson deildarforseti við kennaradeild HA sem mun fjalla um læsi á stigi djúp- og yfirfærslunáms á efri skólastigum.

Auk þrískiptra erinda eftir skólastigum:

• Jóhanna Thelma Einarsdóttir prófessor við heilbrigðisvísindasvið HÍ sem mun fjalla um stöðu fjöltyngdra leikskólabarna á Íslandi.

• Auður Soffíu Björgvinsdóttir aðjúnkt og doktorsnemi við menntavísindasvið HÍ og Guðbjörg R. Þórisdóttir læsisráðgjafi hjá MMS sem munu fjalla um mikilvægi sveigjanleika í heimalestrarþjálfun út frá stöðu nemenda í lestri.

• Ívar Rafn Jónsson lektor við HA sem mun fjalla um læsi framhaldsskólanema á orðræðu og hugtakanotkun sem er við lýði í námsmati. Til viðbótar verður svo fjöldi mál- og vinnustofa sem ráðstefnugestir geta valið sig á.

Frestur til að senda inn lýsingu á erindi eða vinnustofu er til 5. apríl 2024.

Smelltu hér til að senda inn erindi.