Félagaspjall og Vertu næs!- um mikilvægi góðra samskipta

Nú hafa bæst við ný verkfæri í flóru samskipta- samræðuverkefna MSHA. Samskipta- og samræðuverkefnin okkar þarf vart að kynna en þau hafa notið mikilla vinsælda síðustu ára. Félagaspjall er nýtt samræðu- og samskiptanámskeið sem hefur göngu sína núna í haust. Félagaspjallið er netnámskeið fyrir kennara og annað starfsfólk grunnskóla sem starfa með nemendum í 6. - 7. bekk og vilja nýta efnið með þeim aldurshópi. Félagaspjallið brúar bilið á milli Krakkaspjalls og Unglingaspjalls.

Félagaspjallsnámskeið verður á netinu 20. október- skráning stendur yfir.

Vertu næs!- um mikilvægi góðra samskipta er klukkutíma langt erindi sem sérfræðingur á MSHA er með fyrir stúlkur á unglingastigi. Erindið er bæði hugsað sem viðbót við Samskipti stúlkna – leið til lausna verkefnið eða sem stakur fyrirlestur fyrir stúlknahópa, hvort sem erindið er hugsað sem forvörn eða sem innlegg í hópa þar sem vinna þarf með samskiptamynstur sem hefur komið upp í hópnum. Erindið er flutt af fyrirlesara MSHA í skólum um land allt. 

Nánari upplýsingar veitir Sigríður Ingadóttir - sigriduri@unak.is